Англиянинг «Манчестер Юнайтед» клуби ярим ҳимоячиси Андреас Перейра агар чемпионатни якунлаш учун ҳар куни расмий учрашув ўтказишга тўғри келса, у ҳолда ҳар куни майдонга тушишга тайёр эканлигини айтиб ўтди.

Айни пайтда Англияда ҳам коронавирус сабабли ички чемпионат ўйинлари тўхтатилган.

— Мавсум иложи борича тезроқ тугатилишини хоҳлайман, — деди Перейра. — Бундай қийин вазиятда инсон саломатчилиги муҳим ўрин тутишини яхши тушунаман. Лекин мен мавсумни якунлаш учун ҳар куни майдонга тушишга тайёрман. Агар мавсум бекор қилинса ўзимни ёмон ҳис қиламан. Ўйлайманки, биз қийин иш жадвалини ҳал қила оламиз. Ҳозир барча дам олмоқда, жароҳат олган футболчилар эса қайтмоқда.

Перейра «МЮ» клуби тарбияланувчиси ҳисобланади. У асосий жамоадаги дебют учрашувини 2015 йилда ўтказган.

Жорий мавсумда 24 ёшли бразилиялик футболчи "МЮ" таркибида 23 та учрашувда майдонга тушиб, битта гол киритди ва 3 та голга ҳаммуаллифлик қилди.