Саудия Арабистонининг "Ал Иттиҳод" клуби аъзоси ва Сербия терма жамоаси футболчиси Александар Прийович комендантлик соатини бузгани учун уч ойлик уй қамоғига олинди дея хабар бермоқда АР.
Эслатиб ўтамиз, Прийович Белград шаҳридаги меҳмонхоналарнинг биридаги ресторанда соат 17:00дан кейин қўлга олинганди. Қайд этилишича, футболчи ўз айбига иқрор бўлган. Комендатлик соатини бузганлар учун уч йил муддатга ҳибсга олиниш эҳтимоли бор.
Сербия ўз чегараларини тўлалигича ёпиб қўйган, соат 17:00дан 05:00га қадар мамлакатда фавқулодда ҳолат ва комендантлик соати белгиланган.
Парламент сайловлари бекор қилинди, шаҳарлараро автобус ва темирйўл қатновлари тўхтатиб қўйилди. 65 ёшдан ошган инсонларнинг кўчага чиқиши тақиқланади.
