Италиянинг "Милан" клуби собиқ ҳужумчиси Алешандре Пато яқин вақтлар ичида Европанинг топ чемпионатига қайтиш ниятида эканлигини билдирди.

Алешандре Пато Хитойнинг «Тяньцзинь Тяньхай» клуби билан 2019 йилнинг март ойида шартномасини бекор қилиш учун 2,9 миллион евро тўлаганди. Шундан сўнг, у Бразилиянинг «Сан-Паулу» клуби билан уч йиллик шартнома имзолаганди.

Гарчи, Пато 24 та ўйинда 6 та гол киритган бўлсада, Пато мухлислар орасида машҳур.

Пато бир пайтлар «Милан»да ўйнаган ва катта юлдузга айланганди. Футболчи ҳозирги кунда «Сан-Сиро»га қайтишга қарши эмас.

«Мен Европага қайтишни хоҳлайман. Бу йил мен Либертадорес Кубогини қўлга киритдим. Менда барчаси жойида. Ҳозир отни устидаман. «Милан»га қайтишим мумкинлигини истисно қилмайман. Буни жуда хоҳлайман», — деди Алешандре Пато.