Англиянинг "Эвертон" клуби собиқ бош мураббийи, айни пайтда Нидерландия терма жамоасини бошқараётган Роналд Куманнинг акаси Эрвин Куманни сўзларига қараганда, Лукакунинг сотиб юборилиши жамоанинг инқирозига ва укасининг ишдан кетишига сабаб бўлган экан.
Рональд Куман 2017 йилнинг октябрь ойида «Эвертон» клуби бош мураббийлигидан истеъфога чиқарилганди. Рональд ўша пайтларда қийин даврни бошдан кечирганди, айниқса, Ромелу Лукаку сотиб юборилганидан сўнг.
«Агар футболчи рекорд даражада гол уриб турса, Сиз қила оладиган энг аҳмоқ иш – уни сотиб юбориш. Афсуски, «Эвертон»дагилар бу ишни амалга оширишганди.
Лукаку кетганидан кейин «Эвертон» қулашни бошлади, чунки жамоада тўпурар футболчи қолмаганди. Негадир, ўша пайтда клубдаги барча Рональдни айблай бошлаганди», — деди Эрвин Куман.
