Англиянинг "Манчестер Юнайтед" клуби собиқ ярим ҳимоячиси Райан Гиггз 2003 йили у жамоани тарк этишга яқин келганлигини хотирлади.
"Ҳар бир футболчига янги чақирув керак деб ҳисобламайман. Менда ҳар мавсумда чемпионлик ва ЕЧЛ ғолиблиги учун курашиш имконият етарли эди. Шунинг учун менга доим янги чақирувлар бўлган.
2003 йилнинг ёзида Бекхэм "Реал"га кетди, мени эса "Интер"га ўтаётганлигим ҳақида миш-мишлар янграй бошлади. Бироқ, мен бу ҳақда ҳеч нарса эшитмагандим. Олдинги мавсумда мен унчалик яхши ўйин намойиш эта олмагандим, аммо кейинчалик ҳаммаси жойига тушди. Айнан мавсум охирида орамиздан кимдир жамоани тарк этади деган хабарлар пайдо бўлди. Эҳтимол, ўша пайтда кетишга мен яқин келгандирман. Лекин мен ҳеч қачон "МЮ"ни тарк этишни хоҳламаганман, - Гиггзнинг сўзларидан иқтибос келтирмоқда Sky Sports.
Гиггз "Манчестер Юнайтед" таркибида 1990 йилдан 2014 йилгача тўп сурди. У "манкунианлар" сафида 13 марта Англия чемпиони ва икки марта ЕЧЛ ғолиблигини қўлга киритган.
