«Милан» собиқ бош директори Паоло Тавежа Чемпионлар Кубоги 1988/89 йилги мавсуми ярим финалида «Реал» устидан қозонилган 5:0 ҳисобидаги ғалабани эсга олди.

«Жамоа томонидан қўлга киритилган совринлардан ташқари, мен «Реал» устидан 5:0 ҳисобида қозонилган ғалабадан ҳам роҳат оламан.

Ўйиндан бир кун аввал дарвозабонимиз Жованни Галли Мадриддаги биринчи ўйинда Уго Санчес унга бир неча бор тупурганини айтди.

Ўйин бошланишидан аввал мен ҳакам билан суҳбатлашдим, унга Галлининг сўзларини етказдим ва Санчесни кузатувга олишини сўрадим. Угонинг биринчи қоида бузишиёқ сариқ карточка билан жазоланди.

«Реал» 0:5 ҳисобидан кейин ваҳимага тушиб қолганди. Бернд Шустер менинг ёнимга келиб шундай деди: «Сиз ҳакамни сотиб олгансиз!».

Унга шундай жавоб қилдим: «Агар шундай бўлганда, биз 5:0 ҳисобида ютмаган бўлардик. Бизни ҳакамларга кўп бора пора берган директорларингизга ўхшатманг». Шундан кейин мен кетдим», — дейди Тавежа.

1989 йилнинг апрелида бўлиб ўтган қарама қаршиликнинг дастлабки баҳсида 1:1 ҳисоби қайд этилади. Миландаги ўйинда мезбонлар Карло Анчелотти, Франк Райкаард, Рууд Гуллит, Марко ван Бастен ва Роберто Донадонининг голлари эвазига ғалабани қўлга киритган. Финалда эса «Милан» «Стяуа»ни таслим этиб (4:0) чемпионликни қўлга киритган.