Франциянинг "ПСЖ" клуби хўжайини Носир Ал-Хелайфи коронавирус пандемияси сабабли футболчиларнинг маошларини қисқартириш ҳақида фикр билдирди.
- Ишонманки, футболчилар ўз клубларига ёрдам бериш учун бор кучларини ишга солишади. Улар ўз мажбуриятларини билишади. Мен ҳамма каби "ПСЖ" ҳозирги вазиятдаги энг қашшоқ клубдан анча йироқда эканлигини жуда яхши биламан. Бироқ, молиявий томондан олиб қараганда, бу масала клубимиз учун аҳамиятли бўлади. Биз ҳам кўплаб клублар сингари мавсум охирида коронавирус туфайли катта молиявий йўқотишлар хавфига дуч келамиз. Зеро, футболчиларимизнинг маошлари жуда катта. Мувозанатни топиш учун вақт керак бўлади. Бошқа клублар сингари бизнинг клубимиз ходимлари ҳам яхши кунлар келишини кутиб, вақтинча ишсиз ўтиришибди, — Ал Хелайфининг сўзларидан иқтибос келтирмоқда RMC Sport.
