Fransiyaning "PSJ" klubi xo‘jayini Nosir Al-Xelayfi koronavirus pandemiyasi sababli futbolchilarning maoshlarini qisqartirish haqida fikr bildirdi.
- Ishonmanki, futbolchilar o‘z klublariga yordam berish uchun bor kuchlarini ishga solishadi. Ular o‘z majburiyatlarini bilishadi. Men hamma kabi "PSJ" hozirgi vaziyatdagi eng qashshoq klubdan ancha yiroqda ekanligini juda yaxshi bilaman. Biroq, moliyaviy tomondan olib qaraganda, bu masala klubimiz uchun ahamiyatli bo‘ladi. Biz ham ko‘plab klublar singari mavsum oxirida koronavirus tufayli katta moliyaviy yo‘qotishlar xavfiga duch kelamiz. Zero, futbolchilarimizning maoshlari juda katta. Muvozanatni topish uchun vaqt kerak bo‘ladi. Boshqa klublar singari bizning klubimiz xodimlari ham yaxshi kunlar kelishini kutib, vaqtincha ishsiz o‘tirishibdi, — Al Xelayfining so‘zlaridan iqtibos keltirmoqda RMC Sport.
