Германиянинг «Лейпциг» клуби ҳужумчиси Тимо Вернер Мадриднинг «Реал» клубини трансфер бозоридаги асосий мақсадига айланди дея хабар тарқатмоқда Goal.com портали.

Таъкидланишича, "Ливерпуль" футболчи учун пойгада пешқадамлик қилмоқда.

Аввалроқ, Германия терма жамоаси ҳужумчисига Каталониянинг «Барселона» клуби ҳам қизиқиш билдираётганлиги ҳақида маълумотлар тарқатилганди.

24 ёшли Вернер «Лейпциг» клубига 2016 йилнинг ёзида «Штутгарт» клубидан 14 миллион евро эвазига кўчиб ўтганди. Жорий мавсум у 36 та учрашувда 27 та гол киритиш билан бир қаторда, 12 та голга ҳаммуаллифлик ҳам қилди.

Ҳужумчининг «буқалар» билан тузган шартномаси 2023 йилнинг 30 июн кунигача амал қилади.