Ярим ҳимоячи ёзда «Милан» клубини эркин агент сифатида тарк этади.
Италиянинг "Милан" клуби ярим ҳимоячиси Джакомо Бонавентурага «Лацио» ва «Аталанта» клублари жиддий қизиқиш билдиришаётгани ҳақида хабарлар тарқатилганди, бироқ, Tuttosport порталининг тарқатган маълумотига қараганда, Италия терма жамоасининг собиқ футболчиси фаолиятини «Торино» клубида давом эттирадиган бўлди.
30 ёшли Бонавентура «Милан» клубига 2014 йилнинг сентябр ойида «Аталанта» клубидан 7 миллион евро эвазига кўчиб ўтганди. Жорий мавсум у 19 та учрашувда майдонга тушиб, 3 та тўп киритди.
