Ҳуқуқий жиҳатдан Каталониянинг "Барселона" клубига тегишли бўлган, айни пайтда фаолиятини ижара асосида "Шальке" клубида ўтказаётган Хуан Миранда каталонияга қайтиш ниятида эканлигини яширмади.
"Барселона" - буюк клуб. Сиз у клубни тарк этаётганинингизда, улар сизни клубга қайтаришни хоҳлашлари учун ўз устингизда тинимсиз ишлаш кераклигини тушунасиз. Клуб менга руҳий томондан катта ёрдам берди. Улар мени 20 ёшимда ўйин амалиётисиз қолдиришни хоҳлашмади. Кўрамиз, қандай якунланаркин. Мавсум якунига етган "Барселона" вакиллари билан келажагим борасида гаплашиб оламан", - Миранданинг сўзларидан иқтибос келтирмоқда Mundo Deportivo.
