Римнинг «Лацио» клуби ҳужумчиси Чиро Иммобиле "Севилья" клубида Унаи Эмери қўл остида ўйнаган даврларини ёдга олди.
«Севилья»да жуда ёмон бўлганман. Январда кетмоқчи бўлганман, ўшанда мени Эмери чақириб, мени яхши ҳужумчи эканлигимни, жамоада қолишимни хоҳлаётганини айтган. Ўшанда мен унга ишонгандим.
Ўз имкониятни кутдим. Лекин бу имконият деярли бўлмади. Барибир кетма-кет икки учрашувда гол урдим ва ўзимга бўлган ишончни қайтардим. Кейин нима бўлди? Гарчи, гол ураётган бўлсамда, Эмери барибир мени таркибдан чиқариб юборганди.
Эмери умуман ҳеч нарсани тушунмайди. Мен ўзимни жамоанинг бир қисмиман деб ҳис қилмаганман. Бундай вазиятда барча ҳаракатларингиз бефойда бўлади», - Иммобиленинг сўзларидан иқтибос келтирмоқда El Desmarque.
