Rimning «Lasio» klubi hujumchisi Chiro Immobile "Sevilya" klubida Unai Emeri qo‘l ostida o‘ynagan davrlarini yodga oldi.
«Sevilya»da juda yomon bo‘lganman. Yanvarda ketmoqchi bo‘lganman, o‘shanda meni Emeri chaqirib, meni yaxshi hujumchi ekanligimni, jamoada qolishimni xohlayotganini aytgan. O‘shanda men unga ishongandim.
O‘z imkoniyatni kutdim. Lekin bu imkoniyat deyarli bo‘lmadi. Baribir ketma-ket ikki uchrashuvda gol urdim va o‘zimga bo‘lgan ishonchni qaytardim. Keyin nima bo‘ldi? Garchi, gol urayotgan bo‘lsamda, Emeri baribir meni tarkibdan chiqarib yuborgandi.
Emeri umuman hech narsani tushunmaydi. Men o‘zimni jamoaning bir qismiman deb his qilmaganman. Bunday vaziyatda barcha harakatlaringiz befoyda bo‘ladi», - Immobilening so‘zlaridan iqtibos keltirmoqda El Desmarque.
