Испания чемпионати 2021 йилнинг январь ойига қадар мухлисларсиз ўтказиладиган бўлса, клублар қанча миқдорда зарар кўриши мумкинлиги маълум бўлди.
Ҳисоб-китобларга кўра, Ла лига клублари умумий миқдорда 1,6 миллиард евродан маҳрум бўлишади. Бунга йўқотиладиган ҳомийлик тўловларини ҳам қўшсак, зарар 1,9 миллиард долларга тенг бўлади.
«Барселона» ва «Реал» клубларининг биргаликда 300-400 миллион евро йўқотиши мумкин. Фақатгина чипталар савдоси орқали кўрадиган зарар ҳар бир клубга 50 миллион еврога тушади.
Эслатиб ўтамиз, аввалроқ Ла лига президенти Хавьер Тебас Испания чемпионати шу йилнинг охиригача томошабинларсиз ўтказилиши мумкинлигини айтиб ўтган эди.