Дэвид Бекхем хўжайинлик қиладиган АҚШнинг "Интер Майами" клуби Каталониянинг "Барселона" клуби ярим ҳимоячиси Артуро Видалга қизиқиш билдирмоқда дея хабар тарқатди Mundo Deportivo.
Нашрнинг хабарига кўра, каталония клуби коронавирус туфайли ёзда бир нечта футболчиси билан хайрлашишга тайёр. "Барселона" Видалнинг нархини тахминан 15 миллион евро атрофида баҳоламоқда.
32 ёшли Видаль жорий мавсум "Барселона" таркибида 31 та учрашувда майдонга тушди ва олти тўп киритишга улгурди. Унинг амалдаги шартномаси 2021 йилнинг ёзида ўз якунига етади.