Франциянинг "Марсель" клуби бош мураббийи Андре Виллаш-Боаш коронавирус туфайли Франция ҳукумати йирик спорт мусобақаларини муддатдан олдин якунлаш ҳақидаги қарорини қўллаб-қувватлади.
"Менимча, бу қарор жуда мантиқий. Чунки, ҳозир машғулотлар ўтказишга жуда эрта. Машғулотларни қайта бошлаш учун барча талабларни бажариш жуда қийин. Бундай қарор қабул қилинганлиги яхши бўлди. Биз пандемия қурбонларини ҳурмат қилишимиз керак. Ҳозир соғлиқ ҳамма учун устувор аҳамиятга эга. Барчамиз вазиятни яхши тушунишимиз керак", - Виллаш-Боашнинг сўзларидан иқтибос келтирмоқда L'Equipe.
