ABC in Seville порталининг тарқатган маълумотига қараганда, ҳуқуқий жиҳатдан Мадриднинг "Реал" клубига тегишли бўлган, айни пайтда фаолиятини ижара асосида "Севилья" клубида ўтказаётган Серхио Регилон Лондонга йўл олиши мумкин.
Регилонга Лондоннинг "Арсенал" ҳамда "Тоттенхэм" клублари қизиқиш билдиришмоқда. Икки клуб ҳам чап қанот ҳимоячисига муҳтожликни сезишмоқда. Шу сабабли, Лондон клублари Ферлан Мендининг иқтидорига ишониб, Регилонга ишонч билдирмаётган Мадриднинг "Реал" клуби билан музокара олиб боришни режалаштиришмоқда.