Англиянинг «Ливерпуль» клуби сардори бир йил аввал Каталониянинг "Барселона" сардори Лео Месси билан нима учун футболка алмаштирмаганини сўзлаб берди.

Хендерсоннинг айтишига қараганда, "Манчестер Юнайтед" клуби собиқ сардори Рой Киннинг берган маслаҳати унинг ёдига тушиб қолган.

«Лионель Мессига қарши дастлабки учрашувим ўтган йили «Камп Ноу»да бўлиб ўтганди. Олдин мен у билан тўқнаш келмаганман. Майдонга унга қарши ҳаракат қилиш – ўйинни телевизор орқали томоша қилишдан кескин фарқ қилади. У ажойиб тезликка эга. Мессининг жаримадан киритган голига ҳозиргача ишона олмайман. Аммо, ўйиндан кейин у билан футболка алмаштираман деб ўйламагандим, чунки, ҳеч қачон бундай қилмаганман.

Бир марта менга Рой Кин рақиб футболчиси билан футболка алмаштиришни сўраш – ўзингнинг ожизлигингни намойиш этиш билан тенг, деганди. Шу сабабли, мен доим унинг сўзларига амал қилардим», — деди Жордан Хендерсон.