Хорватиялик футболчининг фаолияти кескин бошқача бўлган бўлиши мумкин эди.
Москванинг «Локомотив» клуби собиқ скаути Виктор Тищенко жамоа ўз вақтида Мадриднинг «Реал» клуби ярим ҳимоячиси Лука Модричга қизиққанлигини айтиб берди.
«Модрични кузатгандик. У пайтда Сёмин клуб президенти эди. У билан биргаликда Евро-2008 саралаш босиқичи доираси бўлиб ўтган Хорватия – Россия терма жамоалари ўртасидаги учрашувни томоша қилиш учун Загребга боргандик.
Унинг ўйинини томоша қилганмиз, бизга ёққанди. Супер иқтидор эгаси эканлигини кўриниб турганди. Аммо, хорватлар ўз футболчини учун қанча миқдордаги маблағни хоҳлашаётганини билганимиздан кейин, дарҳол рад қилганмиз.
«Динамо» (Загреб) клуби 14-15 миллион евро сўраганди. Биз бўлса 2008 йили Питер Одемвингни рекорд сумма - 8 миллион еврога сотиб олгандик.
Фарқни кўриб турибсиз. Биз шунчаки бундай трансферни амалга ошира олмасдик. Шу сабабли, Модричнинг трансфери борасида савдолашишни фойдаси йўқ эди», – деди Тищенко «Чемпионат» сайтига берган интервьюсида.
