Дортмунднинг «Боруссия» клуби ҳужумчиси Эрлинг Холанд «ПСЖ» ўйинчилари унинг устидан кулганига изоҳ берди.

«Ўйлашимча, улар менинг голни нишонлаш услубимни бутун дунёга етказишда ёрдам беришди. Улар медитация (руҳий машғулот) — муҳим нарса эканини кўрсатишди. Мен улардан миннатдорман», — деди Холанд "ESPN"га берган интервьюсида.

Маълумот ўрнида.
Холанд Дортмундда бўлиб ўтган Европа чемпионлар лигасининг дастлабки ўйинида "ПСЖ" дарвозасига 2та гол уриб, ўз услубида нишонлаган эди. Бундан ташқари, Эрлинг жавоб учрашуви олдидан ижтимоий тармоқлар орқали: "Париж — менинг шаҳрим, сизники эмас", дея ёзиб, "ПСЖ" футболчиларининг асабига теккан эди.

Жавоб баҳсида эса дастлаб Неймар гол урганидан кейин медитация услубида ўтирган бўлса, ўйиндан кейин "ПСЖ"нинг барча ўйинчилари ерга ўтирган ҳолда, Холанднинг устидан кулишди.