Испания Ла лигасининг бир нечта клублари коронавирус пандемияси пайтида ўз ходимларини маош тўланмайдиган таътилга чиқарди. Улар меҳнат кодексининг тегишли бандидан фойдаланиб, шундай йўл тутишди.

Бундай клублар орасида «Атлетико», «Барселона», «Валенсия», «Севилья», «Алавес», «Эспаньол», «Гранада» ва «Осасуна» жамоалари бор. Бу клубларнинг барчаси ўз ходимларига маош тўлашда давлат ёрдамидан фойдаланишди. Бундан ташқари, Сегунда ва қуйи лиганинг қатор жамоалар мазкур ҳуқуқдан фойдаланишди.

"As" тарқатган хабарга кўра, Испания ҳукумати Меҳнат ва молия вазирлиги ёрдамида энди ушбу жамоаларнинг харажатларини, айниқса, трансферларини текширади ва назорат қилади.