Transfermarkt портали «Интер» бош мураббийи Антонио Конте қўл остида энг кўп ўйин ўтказган футболчилардан иборат рамзий терма жамоани тузиб чиқди.

Мазкур терма жамоадан Контенинг фақат «Ювентус» ва «Челси»даги собиқ шогирдлари ўрин олди.

Италиялик мутахассис бошқарувида энг кўп учрашувда қатнашган футболчи Леонардо Бонуччи бўлди. Ҳимоячи «Ювентус»да ватандоши қўл остида тўп сурган ҳамда уларда жами 136 ўйин ўтказган.

Рамзий терма жамоа билан танишинг:

Дарвозабон: Жанлуижи Буффон (130 ўйин);

Ҳимоячилар: Маркос Алонсо (81), Жоржио Кьеллини (117), Леонардо Бонуччи (136), Сесар Аспиликуэта (99);

Ярим ҳимоячилар: Андреа Пирло (119), Артуро Видаль (111), Клаудио Маркизио (113);

Ҳужумчилар: Эден Азар (94), Виллиан (96), Мирко Вучинич (81).

Маълумот учун, Антонио Конте мураббийлик фаолияти мобайнида «Сиэна», «Аталанта», «Ювентус» ва «Челси» каби клубларни бошқарган. Ҳозирда мутахассис «Интер» устози ҳисобланади. Шунингдек мутахассис Италия терма жамоасига ҳам бош мураббий бўлган.