Англиянинг "Ливерпуль" клуби дарвозабони Лорис Кариус Германияга қайтишга тайёр.
Шу ҳафтада дарвозабон "Бешикташ" клубидан маошларини ола олмагани сабабли, ижара шартномасини бекор қилганди.
Туркия ОАВсининг тарқатган маълумотига қараганда, Кариусга ўзига янги жамоа топиши ҳақида огоҳлантириш берилган. Шундан сўнг, дарвозабон Германиянинг "Герта" клуби билан шахсий шартнома борасида келишувга эришди. Бироқ, немис клубининг бош менежери Михаэль Прец Кариус борасидаги саволларга жавоб бермади, лекин унинг келаётганини рад этмади ҳам.
"Одатда биз бундай миш-мишларга расмий изоҳ бермаймиз ва биз бу риояга амал қилишни хоҳлайман", - деди Прец.
