Куни кеча Мадриднинг "Атлетико" клуби аъзолари коронавирусга тест топширишди. "AS" нашри тарқатган хабарга кўра, жамоанинг 10 нафар футболчиси COVID-19 билан касаллангани аниқ бўлган.
Манбага кўра, 9 ўйинчининг қонида антитела шаклланган. Яъни улар коронавирусга чалиниб, уни енгиб ўтган. Шу боис, уларга машғулотда иштирок этиш учун рухсат берилади.
Аммо ҳимоячи Ренан Лоди ҳамон касалликни енгиб ўтмаган. У карантинда ўтириб, шундан сўнг қайта тест топшириши керак бўлади. Бразилиялик футболчида касаллик аломатлари сезилмаяпти.