Туркиянинг "Бурса Йылдырымспор" клуби футболчиси Жавҳар Токташ ўз фарзандини ўлдирганини тан олди. Бу ҳақда Daily Sabah хабар бермоқда.

Қайд этилишича, 23 апрел куни беш ёшли Қосим Токташ коронавирус аломатлари билан Бурса шаҳридаги касалхоналарнинг бирида эди. Футболчи ўз фарзанди ётган касалхонага ташриф буюрган ва шундан сўнг беш ёшли бола вафот этган. Шифокорларнинг боланинг коронавирус туфайли вафот этганига қарор қилишди.

Қосимнинг ўлимидан сўнг, орадан 11 куни ўтгач 32 ёшли футболчи ўз фарзандини бўғиб ўлдирганини полицияга айтиб берган. "Мен ёстиқни 15 дақиқа мобайнида ўғлимнинг бошига босдим. У қийноқдан озод бўлишга ҳаракат қилди, лекин у ўлгунча мен ёстиқни босиб туришда давом этдим", — деди Жавҳар.

Футболчи ўз ўғлини асаб касаллиги учун ўлдирганини тушунтирди. Футболчининг фикрича, у ҳеч қачон ўз фарзандини севмаган. Токташнинг турмуш ўртоғи ва яна бир фарзанди бор. Ҳозирда футболчини суд кутмоқда.