«Реал» раҳбарияти 2020/2021 йилги мавсумда футболчиларнинг маошларини 30 фоизга қисқартиришни режалаштирмоқда.
Коронавирус пандемияси бошланганидан сўнг мадридликлар ушбу мавсумда ўйинчилар, мураббийлар ва ходимларнинг маошларини 10%га камайтирган эди. Аммо бу чора клубнинг молиявий аҳволини ўнглаш учун етарли бўлмади. Шу боис, клуб янада кескинроқ чора қўллашга мажбур бўлмоқда.
«Реал» ушбу мавсумда 822 млн евро даромад олишни режалаштирган эди. Ҳозирга шароитда эса жамоа камида 165 миллион евро зарар кўради. «Реал» биринчи жамоа маошларини 30%га қисқартирганидан кейин 85 млн. евро миқдорида пул тежайди. Шу боис, энг кўп маош олаётган футболчилар — Серхио Рамос ва Гарет Бэйлнинг маоши 14,5 млн. евродан 10 млн. еврога тушиб қолади.