АПЛда футболчиларга қайта бошланган гуруҳ машғулотлари вақтида "подкат", яъни тўпга кескин ташланиш тақиқланди.
Машғулотлар душанба куни бошланиши мумкин. Ҳар бир машғулотнинг давомийлиги 75 дақиқадан ошмайди. Узоқ муддатлик танаффусда футболчилар шуғулланмагани, мушаклари бўшашгани сабабли кескин ҳаракат шикастланиш хавфини ошириши мумкин.
Мавсум тикланганидан кейин киритилиши режалаштирилган тавсиялар рўйхатига мунтазам тиббий кўриклар, ҳафтада икки марта коронавирус учун тестларни ўтказиш, чуқур дезинфекция киради.
Жамоавий машғулотларга беш кишидан кўп бўлмаган гуруҳларда рухсат берилади.
