APLda futbolchilarga qayta boshlangan guruh mashg‘ulotlari vaqtida "podkat", ya’ni to‘pga keskin tashlanish taqiqlandi.

Mashg‘ulotlar dushanba kuni boshlanishi mumkin. Har bir mashg‘ulotning davomiyligi 75 daqiqadan oshmaydi. Uzoq muddatlik tanaffusda futbolchilar shug‘ullanmagani, mushaklari bo‘shashgani sababli keskin harakat shikastlanish xavfini oshirishi mumkin. 

Mavsum tiklanganidan keyin kiritilishi rejalashtirilgan tavsiyalar ro‘yxatiga muntazam tibbiy ko‘riklar, haftada ikki marta koronavirus uchun testlarni o‘tkazish, chuqur dezinfeksiya kiradi.

Jamoaviy mashg‘ulotlarga besh kishidan ko‘p bo‘lmagan guruhlarda ruxsat beriladi.