Ушбу рукнимизда биз сизларга “Бухоро” футболчилари ҳақида кўпроқ маълумотлар бериб боришга ҳаракат қиламиз.

Липартиа Жаба,  1987-йил 16-ноябр куни Грузиянинг Тбилиси шаҳрида таваллуд топган. Футболчилик фаолиятини маҳаллий “Металлург” клубида бошлайди ва тез орада пойтахтнинг бошқа жамоаси бўлмиш “ВИТ Жоржия” клубига ўтиб, ушбу жамоа билан 2008-йил Грузия чемпионати кумуш медали ва 2009-йил Грузия чемпиони номига сазовор боʻлади.

Сўнги уч мавсум давомида у европа мусобақаларида қатнашади: Чемпионлар Лигаси саралашида 2 та ўйин ва Европа Лигаси саралашида  5 та ўйин.  2009-йил Эктор Купер қўл остида бўлган Грузия миллий терма жамоасида илк учрашувини ўтқазади. Ўша пайт Каха Каладзе Грузия терма жамоаси сардори бўлган. 2011-2017 йиллар Украинанинг “Заря” жамоаси сафида жами 145 учрашувда майдонга тушади. 2016-йил Европа Лигаси 2-тур учрашуви доирасида Жозе Моуриньонинг “Манчестер Юнайтед”ига қарши баҳсда Жаба Липартиа 76-дақиқада майдонга туширилган. Ўша ўйинда Златан Ибрагимовичнинг ягона голи  “Қизил иблислар”га ғалаба келтирган.

2017-2018 йил мавсум Россиянинги “Анжи” клуби сафида олти учрашувда тўп сурган Жаба ўзаро келишув асосида ушбу жамоа билан шартномани бекор қилишган. Жаба Липартиа ўтган мавсум 2-давра олдидан жамоамиз сафига қўшилиб ҳозирга қадар тўп сурмоқда.

Жаба Липартианинг уч нафар ўғил фарзанди бор ва у оиласи билан Украинада истиқомат қилади. Болалари ҳам футбол билан қизиқишади ва шуғулланишади.