Ushbu ruknimizda biz sizlarga “Buxoro” futbolchilari haqida ko‘proq ma’lumotlar berib borishga harakat qilamiz.

Lipartia Jaba,  1987-yil 16-noyabr kuni Gruziyaning Tbilisi shahrida tavallud topgan. Futbolchilik faoliyatini mahalliy “Metallurg” klubida boshlaydi va tez orada poytaxtning boshqa jamoasi bo‘lmish “VIT Jorjiya” klubiga o‘tib, ushbu jamoa bilan 2008-yil Gruziya chempionati kumush medali va 2009-yil Gruziya chempioni nomiga sazovor boʻladi.

So‘ngi uch mavsum davomida u yevropa musobaqalarida qatnashadi: Chempionlar Ligasi saralashida 2 ta o‘yin va Yevropa Ligasi saralashida  5 ta o‘yin.  2009-yil Ektor Kuper qo‘l ostida bo‘lgan Gruziya milliy terma jamoasida ilk uchrashuvini o‘tqazadi. O‘sha payt Kaxa Kaladze Gruziya terma jamoasi sardori bo‘lgan. 2011-2017 yillar Ukrainaning “Zarya” jamoasi safida jami 145 uchrashuvda maydonga tushadi. 2016-yil Yevropa Ligasi 2-tur uchrashuvi doirasida Joze Mourinyoning “Manchester Yunayted”iga qarshi bahsda Jaba Lipartia 76-daqiqada maydonga tushirilgan. O‘sha o‘yinda Zlatan Ibragimovichning yagona goli  “Qizil iblislar”ga g‘alaba keltirgan.

2017-2018 yil mavsum Rossiyaningi “Anji” klubi safida olti uchrashuvda to‘p surgan Jaba o‘zaro kelishuv asosida ushbu jamoa bilan shartnomani bekor qilishgan. Jaba Lipartia o‘tgan mavsum 2-davra oldidan jamoamiz safiga qo‘shilib hozirga qadar to‘p surmoqda.

Jaba Lipartianing uch nafar o‘g‘il farzandi bor va u oilasi bilan Ukrainada istiqomat qiladi. Bolalari ham futbol bilan qiziqishadi va shug‘ullanishadi.