Франциянинг «Монако» клуби ярим ҳимоячиси Сеск Фабрегас гарчи фаолиятини "Челси" клубида ўтказган бўлсада, ҳар доим «Арсенал» учун қайғуришини тан олди.
— Мен қалбан «Арсенал» биланман ва бу ҳар доим менинг ҳаётимнинг бир қисми бўлиб қолади. Мен ҳеч қачон бу икки клуб орасида сарсон бўламан деб ўйламаганман. Сиз қачонки клубга келасиз, муҳим футболчи бўласиз ва унвонларни ютасиз, бу сиз учун жуда кўплаб нарсаларни англатади. Аммо, сиз қаердан келганингизни ҳеч қачон унутмайсиз. Мен «Барселона» клуби академиясидан келганман, лекин юқори савиядаги футболни «Арсенал»да ўйнаганман ва мен буни ҳеч қачон унутмайман. Мен бир жамоада Эшли Коул, Робер Пирес, Патрик Виейра, Сол Кэмпбеллар билан биргаликда ўйнаш бахтига муяссар бўлганман. Клуб раҳбарияти менинг етакчи футболчи бўлишимга имкон берди ва энг яхши футболчи бўлим етишишим учун барча нарсани берди. Мен ҳеч қачон «Арсенал» юрагимнинг тубидан жой олганини рад этмайман, - деди Фабрегас ўзининг "Instagram" саҳифасида.
