ESPN нашрининг тарқатган маълумотига қараганда, Англиянинг "Манчестер Юнайтед" клуби "Монако" ҳужумчиси Виссам Бен Йеддерга жиддий қизиқиш билдирмоқда.
"Манкунианлар" шу йилдаёқ ушбу трансферни амалга оширмоқчи, чунки "Монако" клуби коронавирус пандемияси туфайли жиддий молиявий муаммоларга дуч келди ва ЕЧЛга ҳам йўлланмани қўлга кирита олмади. Англиялик шу йўл орқали Маркус Рэшфорд ва Антони Марсьялларга рақобатни кучайтирмоқчи.
"МЮ"нинг ҳужум чизиғини кучайтириши мумкин бўлган яна бир номзод - Филиппе Коутиньо. Sport.es сайтининг тарқатган хабарига қараганда, Филиппе Коутиньога ҳуқуқий жиҳатдан Каталониянинг "Барселона" клуби эгалик қилади. "Қизил иблислар" айни пайтда Мюнхеннинг "Бавария" клубида ижара асосида ўйнаётган 27 ёшли бразилиялик футболчига расмий сўров юборишни режалаштирмоқда.
