Италиянинг "Милан" клуби собиқ ҳужумчиси ва Украина терма жамоаси бош мураббийи Андрей Шевченко ЕЧЛнинг финалида пенальтидан "Ювентус" дарвозасига киритган голини ёдга олди.
- ЕЧЛ финалида "Ювентус" клуби дарвозасига киритган голим - фаолиятимдаги энг муҳим палла бўлган. Бу менинг биринчи финалим эди ва бу менинг ҳаётимдаги энг муҳим ўйин эди. Мен сўнгги пенальтини амалга ошириш учун майдон марказидан 11 метрли нуқтага яқинлашаётган 12-15 сонияни умуман унутмайман. Ўша 12 сонияда бутун ҳаётимни эсга олдим. Болалигимда кўрган тушимдан ўша амалга ошираётган пайтимгача бўлган даврларни хотирлаганман. Пенальтини қандай амалга оширишни белгилаб бўлгандим. Аввал ҳакамга, кейин тўпга ва якунда Буффонга қарадим. Ҳакамнинг ҳуштаги чалинганидан кейин қандай амалга оширишни ўйлаган бўлсам, шундай бажардим, - деди Шевченко италия матбуотига.
