Мадриднинг "Реал" клуби ярим ҳимоячиси Мартин Эдегор ёзда жамоасини ўзгартириши мумкин. Футболчи жорий мавсумни "Реал Сосьедад" сафида ижарада ўтказмоқда.
SportMediaset нашрининг хабарига кўра, 21 ёшли футболчи хизматига "Милан" клуби қизиқиш билдирмоқда. Эдегорнинг трансфер нархи 40 миллион евро атрофида, шу сабабли "россонерилар" уни сотиб олиш ҳуқуқи билан ижарага олишга ҳаракат қилиб кўради.
Эслатиб ўтамиз, аввалроқ мадридликлар бош мураббийи Зинедин Зидан Эдегорни ўз режаларига киритаётгани ва уни ёзда ижарадан қайтариши ҳақида хабарлар тарқалганди. Бу мавсум ҳавбек Ла Лигада 23та ўйинда майдонга тушиб, 4та гол урган ҳамда 6та голга ассистентлик қилган.
