Суперлиганинг 4-туридан ўрин олган «Металлург» - «Локомотив» учрашуви Бекободдан Тошкентга кўчирилди. Бунинг сабабини ЎзПФЛ бош директори вазифасини бажарувчи Диёр Имомхўжаев ўзининг телеграмдаги канали орқали тушунтириб ўтди.
"Карантин даврида албатта ўзгаришлар бўлади. Бекобод қизил ҳудуд эканидан келиб чиқиб, 15 июнь куни шу шаҳарда ўтиши керак бўлган Coca Cola Суперлига учрашуви Тошкент шаҳрига кўчади. Яъни, "Локомотив" ўз уйида "Металлург"ни қабул қилади. Иккинчи даврада "темирйўлчилар" Бекободда меҳмон бўлишади", дея хабар берди Д.Имомхўжаев.