Секин-аста жонланаётган еврофутболда лигалар рестартни дербилар орқали амалга оширмоқда. Бундеслигадан сўнг катта саҳнага чиқаётган Ла лигада илк ўйин сиз-у бизга Андалусия дербиси номи билан кўпроқ таниш. “Севилья” – “Бетис”.

Шу ўринда Германия футболи майдонга биринчи бўлиб қайтган бўлсада, немислар аввал бошдан кўзланган мақсадига етолмади, дейиш мумкин. Сабаби, бу ерда рестартдан сўнг ўтган бир-неча турдаёқ интрига йўққа чиқди. Эътибор аввал бўлгани сингари уч асосий лигага қаратилади яна.

Дербига қайтаман. Ортиқча ясамаликдан фойда йўқ. Бу дерби масалан, Мадрид ва басклар дербиси билан солиштирсак миллионлаб нигоҳларни ўзига қаротолмайди. Аммо, айнан қайтишдаги илк ўйин бўлгани боис юқоридаги дербилардан кам бўлгамаган қизиқиш юзага келмоқда. Клубларнинг "Бенито Вильямарин"да ўтган биринчи даврадаги ўйини меҳмонларнинг ғалабаси билан якунлаган. Ҳисоб 1:1 бўлиб турганида Люк де Йонг “Севилья” таркибида ғалаба голига муаллифлик қилганди. (1:2)

Тарихдаги рақамлар ҳам бугун Лопитеги мураббийлик қилаётган клуб фойдасига: “Севилья” – 87 ғалаба , “Бетис” 53 ғалаба ва дуранглар – 43.

Аслида, бу рақамларнинг бугунги ўйинга таъсири минимум. Бугун пандемиядан кучлироқ бўлиб чиққан клуб ғалаба қозонади. Очко ҳар икки жамоага ҳам керак. “Севилья” ЧЛ йўлланмаси учун курашмоқда. “Бетис” эса икки қутбдан бир хил масофада бўлгани боис ғалаба еврокубоклар томон, мағлубият Сегунда томон қўйилган қадамга айланиши мумкин. Хуллас, мотивацион факторлар етарли. Умид қиламиз, футболчилар мухлисларсиз бўлсада бизга, телетомошабинларга футболнинг энг гўзал рангларини намойиш эта оладилар.

Футбол ТВ, соат 01:00.
"Cевилья” – “Бетис”

Ориф Толипов.