«Ювентус» ҳимоячиси Леонардо Бонуччи Италия кубогининг ярим финал босқичи доирасида «Милан»га қарши бўлиб ўтган жавоб ўйини борасида ўз фикрини билдириб ўтди.

– Римда бўладиган ҳал қилувчи баҳсда ўз мақсадимизга эришиш учун финалга чиқиш муҳим аҳамиятга эга эди. Учрашув бошида ғалати ва қийин бўлди. «Милан» ўн киши бўлиб 11 футболчига қарши яхши ўйнади.

Якуний натижа — дуранг, лекин натижани "ярми сув билан тўла" стакан сифатида қабул қилиш керак. Бизнинг мақсадимиз финал эди.

– Роналду пенальтидан фойдалана олмади.
– Ҳатто буюклар ҳам адашиши мумкин, «Милан» исталган пайтда гол уриши мумкин эди, шунинг учун концентрацияни сақлаб қолиш керак эди.

Ўйлашимча, биз буюк «Юве» ва буюк Роналдуни келажакда кўрамиз, – деди Бонуччи.