Италиянинг «Милан» клуби бош мураббийи Стефано Пиоли Италия Кубоги ярим финал жавоб учрашувида «Ювентус» клубига қарши бўлиб ўтган ўйиндаги натижадан афсусда эканлигини яширмади.
— Жуда аламли тарзда мусобақани тарк этдик. Лекин «Сан-Сиро» стадионидаги белгиланган пенальти ҳал қилувчи бўлди. "Ювентус"га қарши ўйинда босимни ҳис қилдик, белгиланган пенальти ва қизил карточка зараримизга ишлади, лекин жуда яхши ўйин намойиш этдик, гол киритиш учун учта имкониятга эга бўлдик. Афсуски, финалга йўл олиш бизнинг асосий мақсадимиз эди. Энди «Милан» А Серия орқали Еврокубокларга йўлланмага эга чиқиш шарт. Биз финалда ўйнашимиз керак эди, бу бизни ғазаблантирмоқда, - Пиолининг сўзларидан иқтибос келтирмоқда Rai Sport.
