Каталониянинг «Барселона» клуби «Интер» ҳужумчиси Лаутаро Мартинесга алтернатив ҳужумчи топди. Каталонияликлар аргентиналик ҳужумчи учун 111 миллион евро тўлаш ниятида эмас, шу сабабли, улар эътиборини бошқа ҳужумчига қаратишмоқда.

Het Nieuwsblad порталининг тарқатган маълумотига қараганда, «Барселона» эътиборини Италиянинг «Наполи» ҳужумчиси Дрис Мертенсга қаратмоқда. Бельгиялик ҳужумчининг неаполликлар билан шартномаси шу ой ўз якунига етади. Шу сабабли, «Барселона» Мертенсни бепул қўлга киритиш ниятида.

Аввалроқ, «Наполи» Мертенс билан янги шартнома борасида келишувга эришганлиги ҳақида хабарлар тарқалганди.