«Мальорка» бош мураббийи Висенте Морено биринчи даврада «Барселона»га қарши бўлиб ўтган ўйин (2:5)да бўлиб ўтган воқеани ёдга олди.
Мутахассиснинг айтишича, у учрашув арафасида "кўк-анорранглилар" сардори Лионель Месси билан тортишиб қолган. Аргентиналик футболчи эса «Барселона» «Мальорка» дарвозасига 7та гол уришга ваъда берган. Якунда каталонияликлар 5та гол уришган бўлса, Месси "хет-трик"ни расмийлаштирган.
«Мессининг жаҳлини чиқарганим учун учрашувдан кейин ўйинчилар мени айблашди. Унинг жаҳли чиққан эди. Танаффусда у менга жамоаси 7та гол уришини айтди. У ҳаттоки Суаресга 7та гол уриш кераклигини таъкидлади. Улар бунча тўп кирита олишмади, аммо Лео 3та гол урди. Шунинг учун ҳам Месси жаҳондаги энг яхши футболчи. У даҳо.
Бу сафар у билан тортишмайман. Бундан фақат ўзимга жабр бўлади», — деди Морено "Marca" нашрига берган интервьюсида.
Эслатиб ўтамиз, "Мальорка" - "Барселона" ўйини бугун тунда Тошкент вақти билан 01:00да бошланади.