Португалия терма жамоаси бош мураббийи Фернанду Сантуш Португалия футбол федерацияси билан янги шартнома имзолади.
Янги шартномага кўра, мутахассис яна 4 йил давомида "Европа Бразилияси"ни бошқаради. Шу тариқа, Сантуш Евро-2020, ЖЧ-2022 ва Евро-2024да Португалия бош мураббийи сифатида ишлайди.
Фернанду Сантуш 2014 йилдан бери Португалияни бошқариб келмоқда. У Евро-2016 ва Миллатлар лигаси-2019да ғолибликни қўлга киритди.