«Реал Мадрид» Испания чемпионатининг 30-тури доирасида чемпионлик йўлидаги энг муҳим учрашувни ўтказди. «Реал Сосьедад» эса ўз майдонида мадридликларга қарши анча дадил баҳс ўтказди.

Басклар ўзларининг тажовузкор ўйинлари билан танаффусга қадар номдор рақибга хавфли вазият учун имконият беришмади.

Иккинчи бўлим бошида эса чаққон Винисиус ҳимоячиларни алдаб ўтиб, жарима майдонига кирди ҳамда пенальти ишлади. 11 метрли жарима зарбасини Серхио Рамос аниқ амалга ошириб, ҳисобни очди.

Баҳснинг 69-дақиқасида Аднан Янузай жарима майдони ташқарисидан кучли зарба бериб, дарвозани ишғол қилди. Аммо VAR офсайдда турган ўйинчи Куртуанинг йўлини тўсиб, унга халал бергани учун голни бекор қилди.

Орадан 2 дақиқа ўтиб, Карим Бензема рақиб дарвозасига иккинчи голни урди. Вазиятга VAR аралашди: франциялик футболчи тўпни ўзига бўйсундираётганида билаги билан эмас, елкаси билан ўйнади деб топди. Гол инобатга олинди.

Ҳужумчи қилишда давом этган "Сосьедад" 83-дақиқада Микель Моренонинг голи эвазига ҳисобдаги фарқни қисқартирди. "Мадрид" асосий вақтнинг қолган 7 дақиқаси, унга қўшиб берилган яна 6 дақиқа давомида ишончли ҳимояланди ва ғалабани сақлаб қолди.

Натижада "Реал" ўзаро ўйинлар натижасига кўра "Барселона"дан ўтиб кетган ҳолда пешқадамга айланиб олди.

Испания Ла лигаси, 30-тур
Реал Сосьедад – Реал Мадрид 1:2 (0:0, 1:2)
Голлар: 0:1 – 50, пенальти Рамос, 0:2 – 70 Бензема, 1:2 – 83 Мерино.
Реал Сосьедад – Ремиро, Льоренте, Монреаль, Горосабель (Элустондо, 60), Ле Норман, Мерино, Субельдия (Субименди, 80), Ойарсабаль (Янузай, 60), Эдегор (Лопес, 79), Порту, Исак (Виллиан Жозе, 79).
Реал Мадрид – Куртуа, Карвахаль, Рамос (Милитао, 60), Марсело (Менди, 89), Варан, Кроос, Вальверде (Модрич, 89), Хамес (Асенсио, 78), Каземиро, Винисиус Жуниор, Бензема (Мариано Диас, 78).
Огоҳлантиришлар: Субельдия (16), Каземиро (21), Горосабель (28), Льоренте (48), Модрич (90), Мерино (90).