«Ливерпуль» Англия чемпионатининг 31-туридан ўрин олган учрашувда «Кристал Пэлас»ни 4:0 ҳисобида мағлуб этди.

Шу тариқа Юрген Клопп шогирдлари жорий мавсумда ўтказилган барча мусобақалардаги 50 та учрашувда 100 та гол урди. Қайд этиш жоиз, «қизиллар» ушбу натижани кетма-кет учинчи мавсум такрорламоқда.

Премьер Лига клублари орасида ушбу мавсум фақатгина «Манчестер Сити» мерсисайд клубидан кўпроқ тўп кирита олган — 47 та ўйин, 118 та гол (барча мусобақаларда).

31-турдаги ғалабадан кейин «Ливерпуль» очколари сони 86 тага етди, жамоа мусобақа жадвалида якка пешқадам бўлиб турибди. Иккинчи ўринда бораётган «Манчестер Сити»да ҳисобида 63 очко бор.