Ушбу рукнимиздаги энг сўнгги янгиликлар билан таништиришда давом этамиз
Торрес “Юве” нишонида
Испаниянинг “Валенсия” клуби ярим ҳимоячиси Ферран Торрес ёзда Гранд клублардан бирига бориб қўшилиши мумкин.
АS нашрининг маълум қилишича, Ферран билан Туриннинг “Ювентус” клуби жиддий қизиқиб қолган.
Манбанинг маълум қилишича, 20 ёшли футболчининг клуб билан тузган шартномаси 2021-йилда ўз якунига етгани боис, “кўршапалаклар” уни сотиб юборишни режа қилмоқда.
Эслатиб ўтамиз, кеча “Ювентус” клуби “Барселона” ярим ҳимоячиси Артурни ўз сафига қўшиб олди.
“Бенавенто” Лоик Ремини нишонга олди
Ҳамюртимиз Жасур Жалолиддинов кўрикда бўлган Италиянинг “Бенавенто” клуби тез орада Лоик Реми билан шартнома имзолаши мумкин.
“Tuttosport”нинг маълум қилишича, Филиппо Инзаги ҳужумчини ўз сафида кўришни истамоқда Бугун тонгда франсуз Бенавенто қароргоҳига ташриф буюрди ва тиббий кўрикдан ўтди.
Аввалроқ “Бенавенто”нинг Камил Глик ва Андре Шюрлле билан шартнома имзолаш борасида музокаралар ўтказаётган эди.
Алаба ва Сане
Мюнҳеннинг “Бавария” клуби Лерой Санени арзонроқ қўлга киритиш мақсадида трансферга ўз ҳимоячиси Давид Алабани ҳам қўшиб беришга тайёр.
“Bild” нашрининг маълум қилишича, айни дамда Мюнҳен клубининг 100 миллион евро сарф этишга қурби етмайди. Шу сабабли трансфер суммасини шу йўсинда бироз камайтирмоқчи.
Айни дамда, томонлар Сане трансфери борасида турли вариантлар устида бош қотирмоқда
“Арсенал” ҳужумчиси кетмоқчи
Лондоннинг “Арсенал” клуби ҳужумчиси Фоларин Балогун ёзда жамоасини алмаштирмоқчи. 18 ёшли ҳужумчининг шартномаси 2021-йилда ўз якунига етади. Шу сабабли, томонлар янги шарнома борасида олиб борган музокаралар омадсиз якунланди.
“The Atlhletik” нашри берган маълумотларга қараганда, “конинирлар” бир неча кундан сўнг ўз футболчиси борасида барча таклифларни кўриб чиқишга тайёр эканлигини расман эълон қилган.
Гундузи қоладими?
Лондоннинг “Арсенал” жамоаси ярим ҳимоячи Маттео Гундузи борасида якуний қарорга келди.
“Sunday Mirror” берган маълумотларга суянадиган бўлсак, “тўпчилар” иқтидорли футболчини бу ёзда трансферга қўймайди.
Эслатиб ўтамиз, Гундузининг Лондон клуби билан тузган шартномаси 2022-йилга қадар амал қилади.
