«Барселона» раҳбарлари — жамоа президенти Жозеп Мария Бартомеу, бош директор Оскар Грау, спорт ишлари бўйича вице-президент Эрик Абидаль клуб бош мураббийи кеча Кике Сетьеннинг уйига ташриф буюришгани ҳақида маълумот бериб ўтгандик.
AS тарқатган хабарга кўра, жамоа раҳбарияти мураббийни истеъфога чиқармоқчи эмас. Сетьен эса Лионель Месси билан юзага келган можаро юзасидан фикр билдирди.
"Мени алоҳида эпизодлар қизиқтирмайди. Ўйинчилар билан муносабатларимиз аъло даражада. Ҳа, баъзида фикрларимиз бир жойдан чиқмайди. Аммо ҳеч қандай муаммо йўқ. Бизни "Атлетико"га қарши ўйин кутиб турибди. Бор эътиборимизни ушбу баҳсга қаратиб, ғалаба қозонмоқчимиз", — деди Сетьен.