Италия чемпионатининг 29-тури доирасида «Аталанта» ўз уйида «Наполи»ни қабул қилиб, ишончли ғалабани қўлга киритди.

Дастлабки бир соат давомида яратилган вазиятлар бўйича устунлик бергамоликлар томонида бўлди. Мезбонлар танаффусга қадар имкониятлардан фойдалана олишмади. Иккинчи бўлим бошида эса «Аталанта» иккита вазиятни голга айлантириб қўйди. Гол муаллифлари — Пашалич ва Госенс.

Шундан сўнг Гаттузо шогирдлари уйғонишга ҳаракат қилишди. Аммо неаполлик футболчиларнинг зарбаларига бироз аниқлик етишмади.

"Наполи"нинг ушбу очко йўқотиши "Милан"га қўл келиши мумкин. Бу жамоалар "Рома" билан биргаликда Европа лигаси йўлланмаси учун кураш олиб боришмоқда.

Италия А серияси, 29-тур
Аталанта – Наполи 2:0 (0:0, 2:0)
Голлар: 1:0 – 47 Пашалич, 2:0 – 55 Госенс.
Аталанта – Голлини, Госенс, Кальдара (Паломино, 72), Толои (Шутало, 89), Кастань, Гомес (Муриэль, 88), де Рон, Фройлер, Пашалич (Тамез, 89), Гимшити (Хатебур, 81), Сапата.
Наполи – Оспина (Мерет, 30), Мариу Руй, Ди Лоренцо, Максимович, Кулибали, Зелиньски, Демме (Лоботка, 73), Инсинье (Милик, 58), Фабиан Руис, Политано (Кальехон, 73), Мертенс (Лосано, 57).
Огоҳлантиришлар: Мариу Руй (67), Толои (88).