Италия чемпионатининг 29-тури доирасида «Рома» ўз майдонида «Удинезе»ни қабул қилиб, имкониятни бой берди.
Меҳмонлар баҳснинг 12-дақиқасида Лазаньянинг голи эвазига ҳисобни очишди. 29-дақиқада эса Перотти қизил карточка олиб, "Рома"ни қийин аҳволга солиб қўйди.
Учрашув тугашига 12 дақиқа қолгани Несторовски римликлар дарвозасига иккинчи тўпни жойлаб, ўйин тақдирини ҳал қилди.
Мазкур ғалаба "Удинезе"га хавфли ҳудуддан узоқлашиш имконини берган бўлса, "Рома" Чемпионлар лигаси йўлланмаси учун курашиш имкониятини пасайтириб қўйди. Ҳаттоки, "бўрилар" энди Европа лигаси йўлланмаси учун "Наполи", "Милан" ва "Верона" билан курашадиган бўлди.
Италия А серияси, 29-тур
Рома – Удинезе 0:2 (0:1, 0:1)
Голлар: 0:1 – 12 Лазанья, 0:2 – 78 Несторовски.
Рома – Миранте, Бруно Перес (Дзаппакоста, 63), Фасио (Рожер, 73), Смоллинг, Коларов, Кристанте, Диавара (Вильяр, 63), Карлес Перес, Ундер (Мхитарян, 46), Перотти, Калинич (Жеко, 73).
Удинезе – Муссо, Ларсен (Самир, 81), Родриго Бекао, Нюйтинк, Зегелар (тер Авест, 65), Уолас (Фофана, 57), де Пауль, Яяло, Де Майо, Лазанья (Теодорчик, 46), Окака Чука (Несторовски, 65).
Огоҳлантиришлар: Зегелар (11), Окака Чука (45), Вильяр (68), Рожер (88).
Четлатиш: Перотти (29).