133 йиллик тарихга эга бўлган «Уикомб» клуби илк марта Чемпионшип йўлланмасини қўлга киритди. Даража бўйича учинчи дивизион финалида жамоа «Оксфорд»ни мағлуб этди (2:1).
«Уикомб» сафида 38 ёшли ҳужумчи Адебайо Акинфенва ўйнайди. Унинг вазни 100 килодан ортиқ. Ғалаба қўлга киритилгач футболчи интервью берар экан, бахтли эканини таъкидлади, агар «Ливерпуль» бош мураббийи Юрген Клопп уни табрикласа, ўзини янада бахтли ҳис қилишини айтиб ўтди. Эртасига эса германиялик мутахассис Акинфенва билан боғлади ва уни Чемпионшипга чиққани билан табриклади.