133 yillik tarixga ega bo‘lgan «Uikomb» klubi ilk marta Chempionship yo‘llanmasini qo‘lga kiritdi. Daraja bo‘yicha uchinchi divizion finalida jamoa «Oksford»ni mag‘lub etdi (2:1).
«Uikomb» safida 38 yoshli hujumchi Adebayo Akinfenva o‘ynaydi. Uning vazni 100 kilodan ortiq. G‘alaba qo‘lga kiritilgach futbolchi intervyu berar ekan, baxtli ekanini ta’kidladi, agar «Liverpul» bosh murabbiyi Yurgen Klopp uni tabriklasa, o‘zini yanada baxtli his qilishini aytib o‘tdi. Ertasiga esa germaniyalik mutaxassis Akinfenva bilan bog‘ladi va uni Chempionshipga chiqqani bilan tabrikladi.