Кириш Регистрация
28/03 19:00 Динамо - Металлург
29/03 19:00 ОКМК - Бунёдкор
29/03 19:15 Қизилқум - Локомотив

Лука Модрич: «Серхио Рамос — феномен, Бензема эса энг яхши ҳужумчи»

Баҳо:
+ | -

Мадриднинг «Реал» клуби ярим ҳимоячиси Лука Модрич жамоадошлари Серхио Рамос ва Карим Бензема ҳақида гапирди.

«Менинг укам Серхио — ҳақиқий феномен. Буни шунчаки гапирмаяпман. Саккиз йилдан буён муносабатларимиз жуда қалин, оила аъзоларимиз билан биргаликда айланамиз, бирга таътилга борамиз. Серхио билан фантастик тажриба тўпладик ва жамоа билан шунга яраша муваффақият қозондик.

Ниҳоят биз футболчилар анчадан буён билиб келган нарсани барча тушуниб етди. Карим Бензема — энг яхши ҳужумчи, у билан ўйнаш ёқимли. Унинг ўйинни тушуниши, рақиб ҳимоясидаги тартибни бузиб юборувчи ҳаракатлари ўзига хос. Бензема ҳар доим жамоа учун фойдали ишлар қилади. Одамлар унинг маҳоратини тан олгани ва Карим олқишларга сазовор бўлганидан жуда хурсандман. У анчадан буён бунга лойиқ эди», — дейди Модрич.

Эслатиб ўтамиз, «Реал» Ла Лига 2019/20 йилги мавсумида «Барселона»дан 5 очко илгарилаб чемпионликни қўлга киритди. Бу мадридликлар учун Примерадаги 34-чемпионлик бўлди.

Манба: daryo.uz
Киритилди: 08:37, 24.07.2020.
Ўқилди: 4828 марта.
Фикрлар: 1 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.